Abongngoreng Papole Anrasa-Rasang

oleh Karaeng Kabba pada 27 Mei 2011 jam 23:22

Pusi Bugis Andi Ullah

Esse babua mappatetti uwae mata

Ja’ gau talliwe-liwe’na Balandae

Mappattokengngengngi balango apparentanna ri Indonesia

Na’bolana dararing esse buwae ri sininna bangsaku

Upangngolo rupakku ri Dewata Seuwae

Maddararing esso-wenni tajengngi pammase

Bara engkamua decenna wanuwakku

Uwaddakkarie paranru minasa mappakario-rioe

Turunni pammasena Puwang Seuwae

Tabbereni tajangnge natikkokotona pattampabajae

Momponi essoe tappai wanuwakku Indonesia

Ucapuni aroku pakurui sumangekku

Majjulumatawa ri bujung temmettie, na usapu tengga rupakku

Ranruni panginrina Indonesia matette ewana

Pasilennerengngi minasa maettae, naturungie sara ininnawa

Mappoji temmaggangka ri pammasena Dewatae

Tokkongni bangsaku, ripoasenna bangsa maradeka

Maradeka ri anrasa-rasangnge, naparanrue la Bellang Mata

Napoleni pasenna tomaccae, makkedana

“Abongngorengnge papole anrasa-rasang”

Majjajareng tomaccana Indonesia

Pangung lawa nataddakkarie passikolae

Pada risappani amaccangnge napasilennerengngi kareso

Temmaka-makae

Rimajeppunna tanggala 2 uleng 5 taung 1889

Naloseng ri jail pinruengngi lawana paddissengengnge

Riasengngi “Taman Siswa” jajarenna passikola rajae

Rimana’ni decenna winruna Ki Hajar Dewantoro

Marowa marewoni lolangengnge ri Indonesia

Naccokkongie topanre maccana bangsaku

Rupaiwi janci purae nattulekkeng ri laleng ati

Momponi ri wawo bulu tikkamata dettiyae

Cumiring palinonoe ri jajarenna sumangena

Atuwonna bangsaku sikariyo-riyo makkatenni masse

Nenniya duppa madecengngi wasselena ampangungengnge

Sama metteni bangsaku :

Usappuru aroku, marola temmaggangka

Pasilennerengngi karesoku

Mattuju ripedepakessingiwi atu

Laloni mabela abongngorengnge

Takkapponi topanre maccae

Tarana pulanai nagaraku Indonesia

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: